Thursday, May 26, 2016

Motorsiklo hinabon sa Paracale

PARACALE, Camarines Norte -- Saro na naman na motorsiklo an hinabon kan mga dae pa nabibistong tawo mantang naka garahe sa Real Street, Barangay Poblacion Norte, sa banwaan na ini.

An nawarang motorsilo na sarong Honda Wave 100 nakarehistro sa pangaran ni Timothy Era asin may plaka na 4978 EE.

Nawara an vehiculo poco mas o menos alas 7:00 nin bangui kan Marso 23,2016.

An victima sa casong ini nabistong iyo si Robert Sevilla y Calajate, 28, soltero, asin nag-eerok sa Real Street, Poblacion Norte, Paracale, Camarines Norte.

Base sa sumbong sa mga imbestigador kan victima, naaraman na lang niya na mayo na an saiyang motorsiklo sa lugar na pinaradahan kaini.

Huli kan siring na pangyayari, an mga pulis nagigibo ngonian nin imbestigasyon tanganing mahanap an nawawarang motorsiklo asin an personang responsible sa incidente.--LDBJr./BICOLSTANDARD.COM
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...