Friday, May 27, 2016

Lalaking nang kaplog, hinombalan nin gapo sa payo, gadan

BACACAY, Albay--Pwedeng an paghapros o pagumlo kan privadong parte kan lawas kan agom ni Nerio Valenzuela an rason kun nata ta ginadan an victimang si Renato Nova Jr. na taga Barangay Banao digdi.

Sabi sa report kan pulis, grabe an tama sa payo kan victima.

An ginamit na armas kan kagibo kan krimen iyo an dakulang gapo na pwedeng ihinagbok sa payo ni Nova Jr.

Segun sa declarasyon ni Lea, agom ni Nerio Valenzuela, na iyong ipigtutukdong suspechado sa
krimen, nakahigda siya sa sarong duyan.

An distancia kaini pirang metros sana sa lugar na nag-iinom nin arak an mag-amigong sinda Renato Jr. asin an saiyang agom na si Nerio.

Nabigla suboot si Lea kan makamate nin kamot sa saiyang lawas. Huli kaini nabigla siyang nag-alimpuhat, dangan nahulog pa ngani sa duyan na pigtuturogan.

Mientrastanto, an suspechadong si Nerio Valenzuela mayo sa saindang harong tanganing hagadan nin declarasyon dapit sa bagay na ini.

Sa ibong na lado, si Renato Nova Sr. nagtuga sa mga imbestigador na talagang makulit an saiyang aking si Renato Jr. kun nakaka inom.

Alagad, nagrason pa an magurang na bako man siya nin naaraman na record na may ginibohan na ining maraot sa babae, arog na isinasahot saiya.

Sa parte kan mga awtoridad, pighahanda na ninda an casong homicide contra ki Valenzuela.

Huli ta dae man an suspechado nadakop sa acto na ginigibo an isinasahot na krimen, isasangat ninda an reclamo sa officina kan Procurador kan Albay.

Hasta sa oras na pig susurat an baretang ini mayo pa nin informasyon kun haen ngonian an suspechado.--LDBJr./BICOLSTANDARD.COM
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...