For immediate hiring

For immediate hiring

Friday, May 27, 2016

8 lalaki dinakop sa Illegal Gambling sa Daet

DAET, CNorte-–Walong (8) personas an pinorompon kan mga pulis sa banwaan na ini asin sinangatan nin reklamong pagbalga sa PD 1602 na bistado sa apod na Illegal Gambling.

An mga inarestar kan mga awtoridad iyo sinda Edwin Endiate Villareal, Sherwin Alto Panimdim, Jesuil Combalicer y Portugal, Emerson Tinitigan y Aguilar, Rafael Abogado y Maigue, Jake Rinono y Ballester, Cesar Baitan y Raitand asin Christian Lukban y Bacerdo.

Nangyari an pag-arestar sainda sa Pentagon Terminal, sa Barangay Camambugan, sa banwaan na ini kan Mierkoles, poco mas o menos alas 10:30 nin aga.

Sabi kan mga awtoridad digdi, an saindang ginibong operasyon parte kan saindang pinaisog na kampanya contra sa paglakop kan mga illegal na sugal.

An mga evidencia na nakua kan mga miembros kan team na nagraid sa lugar iyo an kantidad P1,548.00 na mga sari-saring clase nin cuarta, duwang (2) pidasong kahon na gibo sa kahoy, duwang (2) pidasong envelope na papel, duwang sets nin color games asin sarong bola.

An problema sa pag kuriyat kan illegal na sugal haloy nang-pig iiriwalan sa lokal na gobierno digdi.

Pirang bulan nang nagdadanay an pag turuklingan kan mga oficiales kan banwaan na an parateng tema, kun sisay na oficial an nag tatao nin bendisyon sa pag danay kan ilegal na aktibidad.

An mga awtoridad naghuma na dadakupon liwat asin kakasohan an sisay man na mag buhay liwat kan ilegal na pasugalan digdi.--LDBJr./BICOLSTANDARD.COM
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...