Tuesday, May 24, 2016

Tulak nin droga, dinakop sa Nabua

NABUA, Camarines Sur–-Saro na naman na suspechado sa pagbariwas nin shabu sa banwaan na ini an nahulog sa kamot kan mga awtoridad, por medio kan ipinaluwas na search warrant ni RTC Judge Timoteo A. Panga Jr kan Branch 60 digdi.

Si Police Sr Inspector John Murray C. Cutaran, an Officer in Charge sa hepatura kan pulis an namayo kan operasyon kan pulis kan fecha 23, ngonian na bulan na Mayo.

Dinakop kan mga awtoridad si Jurix Pontillas y Tenoso, 44 anyos, taga Zone 5, sa Barangay La Opinion, digdi.

Ginibo an paghaloghog kan residencia ni Pontillas poco mas o menos alas 2:30 nin hapon,
Tulos rinamalan an suspechado asin dinara sa hepatura kan pulis.

Nakua sa saiyang poder an sarong plastic na kahon na may laog nin nagkapirang mayong laog na sachet, 3ng lighter, mayong laog na mga plastic, sarong sadit na plastic sachet na may laog nin pig tutubodan na shabu, asin sarong itom na color na holster.

Igwa pang nakua an mga awtoridad na sarong calibre .45 na Colt Defender na pistola na may serial No. 845997. Ini may naka salpak na magazine na may laog nin 7ng bala.

Ginibo an pag-imbentaryo kan mga naconfiscar na mga contraband sa atubang kan mga testigo.

An suspechado sasangatan nin casong pagbalga kan RA 9165 (Comprehensive Dangerous Drugs Act of 2002 asin RA 10591 (Comprehensive Firearms and Ammunition Regulations Act).--BICOLSTANDARD.COM
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...