Saturday, May 28, 2016

Driver, natusok an daghan kan manibela, gadan

RAGAY, Camarines Sur – Natusok an daghan kan manibela kan saiya man sanang pigmamanehong vehiculo an driver kaini na nabistong si Arnold Dunlao, 60 anyos, na na nakabanggaan kan sarong bus sa banwaan na ini.

Sabi sa imbestigasyon, sabatan an dalagan kan duwang vehiculo kan mangyari an aksidente.

Base sa sa report na hale ki PCInsp. Ariel Blanco, an hefe kan pulis digdi, suboot nakalaog sa linya kan bus an pigdadalaganan na tinampo kan van kaya dae na naibitaran na magka-bunggoan an pareyong marikas na dalagan kan mga vehiculo.

An bus pigmamaneho ni Rommel Guab, 40 anyos an edad.

Huli sa makusog na maray na banggaan kan duwang awto, saro sa mga nakalunad sa van an irido, mantang tulong mga pasahero sa bus an nagsapo nin mga rungas sa saindang lawas.

An driver kan bus yaon pa ngonian sa hepatura kan pulis mantang ginigibo pa an masunod na desposisyon kan caso.

Mientrastanto, an mga viajeros sa nasambit na highway an makusog nang maray an reclamo huli sa dae na natatapos na paghirahay kan mga tinampo na parate iyong causa kan mga aksidente.

Afuera kan mahyong huraw na ginigibong pagrepair, kulang nin mga road signs sa mga pighihirahay na mga lugar.--BICOLSTANDARD.COM
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...