Saturday, May 28, 2016

Mag-agom na nagtitindang shabu sa Mercedes dinakop

MERCEDES, CNorte-–Carcel an temporaryong estaran kan mag-agom na sinda Mark Paul Garcia (alyas Biboy) asin Madel Antonette Garcia, pareyong taga Purok 2, Brgy. 2 digdi, na dinakop kan mga awtoridad sa ginibong opersyon contra sa ilegal na droga.

Katuwang kan mga pulis digdi an mga tawohan kan Criminal Investigation and Detection Group (CIDG), Philippine Enforcement Agency (PDEA) Provincial Intelligence Branch (PIB) asin 503rd Maritime sa pag enforsar kan search warrant na firmado ni Executive Judge Arniel Dating kan Branch 41 kan Regional Trial Court (RTC) digdi, contra sa mag-agom na Garcia.

Nakua sa saindang poder an minasunod na mga evidencia: duwang pidasong heat sealed na transparent plastic sachets na may laog nin pigtutubodan na shabu; 3ng pidaso nin sadit na plastic sachets na may laog nin puti na pubos, na pwedeng shabu man guiraray an laog.

May iba pang mga gamit sa pag-usar kan ipig papangalad na droga an nakua kan mga awtoridad sa poder kan mga suspechado.

An mag-agom na Garcia yaon sa listahan kan mga pigsasahotan na agit-agitan na parapabakal nin droga digdi.

Nagluluwas sa pugol na evidencia kan mga awtoridad na si Mar Paul Garcia iyo an ika apat sa 10ng mga pusikit na para bariwas nin droga sa banwaan na ini, asin sa mga pagtaraid na lugar.

Hasta sa presente, an may agom na Garcia yaon pa sa laog kan detention cell kan pulis, mantang pighahalat an desposisyon kan caso.

Sinangatan sindang caso criminal na pagbalga kan RA 9165, na mas bisto sa apod na Comprehensive Dangerous Drugs Act of 2002.--BICOLSTANDARD.COM
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...