Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Sunday, May 29, 2016

5ng taga Baao dinakop sa tupada

BAAO, CSur--Limang lalaki an pinumpon kan mga miembros kan CIDT asin mga pulis ta suboot imbuelto sa ilegal na burolang sa barangay Buluang digdi.

Poco mas o menos alas 4:00 nin hapon kan sarong aldaw (Mayo 27) kan biglang magtiripwasan an mga parabulang kan sinda sakyadahon kan pinagsararong tawohan kan CIDT asin mga pulis kan banwaan na ini.

An mga inarestar kan mga pulis iyo sinda Proceso Brillo Jr y Brazil, Agustin Bernas y Bolivar, taga San Francisco, Joel Boslon y Badong, Romeo Judavar y Morela, Jose Bolo y Ablan, na anas taga barangay Buluang digdi.

Mientrastanto, parte kan mga evidencia na nakua sa mga suspechado iyo an kantidad P1,350 na pusta sa tupada, duwang sambot na manok asin tulong pidasong plywood na ginamit sa pabulang.

Afuera kaini, kinumpiskar pa kan mga miembros kan CIDT si mga barahe na gamit sa pasugal sa lugar kan tupadahan.

An mga suspechadong imbuelto sa ilegal na pabulang dinara sa Oficina kan CIDT sa Provincia para sangatan nin caso sa pagbalga kan PD 1602 asin sa illegal na pabulang o an Cockfighting Decree. (LDBJr/BICOLSTANDARD.COM)
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...