Monday, May 30, 2016

2ng lalaki na sabit sa illegal na droga sa Buhi nasa carcel ngonian

BUHI, Camarines Sur –Yaon na ngonian sa laog kan carcel an duwang lalaki na nakuahan nin pig tutudodan shabu, durante kan raid sa saindang residencia kan sarong aldaw ( Mayo 24).

An mga suspechado iyo sinda Nestor Tagumpama y Albalate alyas “Istog” asin Normal Cas y Tadeo alyas “Mansing”, pareyong taga Brgy Sta Justina, digdi.

An searh warrant na ginamit kan mga awtoridad sa saindang operasyon firmado ni RTC Judge Tomoteo T. Panga Jr kan Branch 30 sa Iriga City.

An mga evidencia na nakua kan mga pulis iyo an pigtutubodan na mga illegal na droga asin mga paraphernalia sa pag-usar nin droga.

Sa laog kan residencia ni Tagumpama nakakua nin 4 na plastic sachets na may laog nin maputing pulbos, na pigtutubodan na shabu; 1ng medium size na plastic na may laog nin maputing pulbos na suspechadong shabu; asin mga drug paraphernalia.

Mientrastanto, sa residencia ni Cas, an mga awtoridad nakakua nin medium size na plastic sachet na may laog man nin maputing pulbos na pigtutubodan na shabu, 2ng saradit na plastic na bukas na alagad may laog man guiraray kan ipigpapangalad na droga, asin iba pang mga drug paraphernalia.

Si Tagumpama asin Cas pareyong sinangatan na nin caso kan mga pulis huli sa pagbalga kan RA 9165 (Comprehensive Dangerous Drugs Act of 2002) kan sarong aldaw, Mayo 27.

Susug sa report ni PCInsp Aldin Orquita, an Chief of Police digdi, nagpapadagos an saindang kampanya contra sa mga illegal na actibidades sa banwaan na ini.--LDBJr./BICOLSTANDARD.COM
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...