An ina na iyo si Andrea A. Amador nag-aki sa laog kan Juan F. Trivino High School sa barangay Caranan sa banwaan na ini bandang alas-4 nin aga ngonian na aldaw (Disyembre 15).
Siring sa bagyo, Nono an ipinangaran sa omboy.
An Camarines Sur saro sa mga provincia na piglaag sa Public Storm Signal Number 3 kasoodma.
Alagad ngonian na amay na pagkaaga, ini nasa Signal Number 1 na sana mantang an mata kan bagyo yaon na sa 40 kilometros norte kan Romblon.—BICOLSTANDARD.COM
