Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Thursday, December 24, 2015

Kantidad P18,000 na mga alahas, hinabas

SORSOGON CITY—Manlaen-laen na alahas na may karkuladong kantidad na P18,000 an linalay kan dai pa nabibistong mga persona kan nakaaging Martes.

Segun ki Chrissan Discaya Bravo, residente kan Saint Joseph Subdivision, Brgy. Buhatan, East District, nawawara sa saindang harong an duwang kwintas asin sarong pades nin hikaw na nakabogtak sa ibabaw kan component asin divider sa laog kan sala.

Nagluwas sa imbestigasyon kan Scene of the Crime Operatives na pinangenotan ni Senior Inspector Alejandro Usi na an suspechado naglaog sa paagi kan pagrangka kan bintana sa kusina asin pagraot
kan lanob sa laog kan residencia kan mga Bravo.

Posibleng nangyari an panhabon sa pag-oltanan kan ala-1 asin alas 2 nin maogmahahon, dugang pa kan imbestigador.

Padagos an pagsusog kan mga autoridad kan mga kagibo kan krimen.—BICOLSTANDARD.COM.
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...