Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Thursday, December 24, 2015

Army, nagdeklarar ceasefire kontra NPA

Philippine Army
Photo: gov.ph
PILI, Camarines Sur— Pigsuspendir muna an operaciones kan Philippine Army kontra sa New People's Army sa Bicol poon ngonian na aldaw (fecha 23 kan Diciembre) hasta sa fecha 1 kan Enero 2016. Ini an ipinahayag ni Major Angelo Guzman, Philippine Army Southern Luzon Command spokesperson.

An ceasefire na ini pag-otob sa direktiba na ipinaluwas ni Presidente Benigno Aquino III na nagsugo nin temporaryong pagpundo kan putukan kontra sa mga rebelde ngonian na Kapaskuhan, sa rekomendasyon kan Department of National Defense.

Segun ki Guzman, an ceasefire matao nin oportunidad sa mga soldados kan Army na magselebrar kaiba an saindang mga mahal sa buhay.

Piglinaw ni Guzman na sakop kan ceasefire iyo sana an operaciones kan militar asin dai kabali an law enforcement operations kan Philippine National Police (PNP).
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...