Saturday, November 7, 2015

Tinaga dahil sa sako nin bagas

BAAO, Camarines Sur—Sarong sako nin bagas an nagcausa kan pagiging irido ni Augusto Piletina y Petrache, na suspechado sa pagprobar na paghabas kan nasambit na produkto kan molinohan ni Dolores Badong y Infeliz.


Segun sa despacho nin bareta na ipinadara sa BICOL STANDARD, linaog ni Piletina an molinohan asin nagkua nin sarong sakong bagas bandang alas 4:30 nin aga kasoodma, fecha 3 kan Noviembre.
Padulag na an suspechado kan siya naturuhokan kan mga mata kan ina ni Dolores, na tulos pinukawan an saiyang mga aki na sinda Albert asin Alex.

Linipat nin suntok an magtugang an suspechado dangan tinigbas.

Si Piletina ngonian nagpapaomay sa Lourdes District Hospital sa Iriga City mantang naghahalat na plantearan nin asunto criminal kan Baao Municipal Police Station.—BICOLSTANDARD.COM. Pirming enot. Pirming bago.
Share:

Featured Post

Bicol Standard at 25 years hits 21 million views

NAGA CITY (Bicol Standard) – Bicol Standard, the region’s most read and fastest-growing news source, is celebrating its 25th anniversar...