Thursday, November 19, 2015

Nagpamidbid na NPA, dakop sa pangingikil

DARAGA, Albay—Nahulog na sa kamot kan mga autoridad an sarong personang nagpamidbid na miembro kan New People's Army asin nangingikil nin kwarta sa mga residente kan provinciang ini.

Sa report na naguno kan BICOL STANDARD, an 21 anyos na si Jhonrick Mendoza, nagpapadara nin mga text message asin mga surat sa nagkapirang persona.

Si Mendoza soltero asin residente kan Compassion Village, Tagas Relocation Site, Brgy Anislag.
Sa sa saiyang mga mensahe, sinasabi kan suspechado a na padarahan siya nin kwarta sa Smart Padala ta miembro siya kan nasambit na makawalang grupo asin posibleng may mangyaring maraot kun sinda dai magtubod.

Nakaabot an mga sumbong kan pangingikil kan suspechado sa Daraga Municipal Police Station na tulos naglansar nin entrapment operation.

Sa pakikipagtabangan sa victimang si Jinky Soliman, an suspechado nadakop kasoodmang alas 5 nin hapon sa outlet kan Smart Padala sa No.148 General Merchandize, Baylon Bldg.

Inaaram pa sa ngonian kun pira an nadarang kwarta kan suspechado sa iba pa kaining mga naging victima.

Si Mendoza sasangatan nin reklamong Robbery with Intimidation kan Daraga Municipal Police Station.—BICOLSTANDARD.COM
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...