Friday, November 13, 2015

47ng cliente sa 'paluwagan scam' nagreklamo sa NBI

NAGA CITY— Naghagad na nin tabang an 47ng cliente kan sarong paluwagan sa Magarao, Camarines Sur sa National Bureau of Investigation tanganing makua an saindang pig-invertir na kwarta.


Kadaklan sa mga cliente mga maestra, principal, pulis, asin OFW.

Segun sa mga nagreklamo, nag-invest sinda nin kwarta sa paluwagan ni Kagawad Nestor Avenido kan banwaan nin Magarao sa promesang maibabalik ini na may dakulang tubo pakalihis kan tulong bulan.

Alagad kan mag-abot an aldaw na sinda makobra na nin kwarta, nadiskubre kan mga cliente na dae nin fondo sa cheke na ipigtao sainda.

Naglansar na nin imbestigasyon ki Avenido, na kandidatong alkalde sa Magarao.

Saro sa mga nabiktima kan paluwagan

Mientrastanto, nagpagiromdom an mga imbestigador na maging marigmat sa mga nagkukuriyat na paluwagan ta dakol sa mga ini panloloko sana man.—Report ni Oscar Esmenda/BICOLSTANDARD.COM

Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...