Wednesday, November 4, 2015

7 irido sa banggaan sa Milaor

MILAOR, Camarines Sur—Pitong personas an irido kan masabitan kan sarong awto an sarong tricycle kan fecha 2 kan Noviembre sa Maharlika Highway, Barangay San Jose, sa banwaan na ini.


Kabali sa mga victima an apat na menor de edad asin sarong senior citizen.

Nagluwas sa imbestigasyon na an awto na sarong Ford Ranger nagprobar mag-overtake sa tricycle alagad nagbalik man sana sa dati kaining posisyon kan mabangga kani an tricycle.

An nasambit na awto nakarehistro sa LGU Milaor, asin pigmamaneho ni Jeffrey Anthony Temones, residente kan Barangay Amparado.

Nabisto an mga victima na nakalunad sa tricycle na sinda Darius Dale Russel O. Valle, 6 anyos; Mark Darine O. Valle, 8 anyos; Maida O. Valle, Lindy M. Sto Domingo, 17 anyos; Wennie R. Barra, 63 anyos, Hanna Grace Barra, 25 anyos asin Mark Joshua Serguio, 20 anyos. Anas sinda residente kan Iriga City.

May plate number na 051605 an tricycle, asin nakapangaran ki Joel P. Bueno kan San Juan, Iriga City. Ini pigmamaneho ni Mario Tataro y Hallare.

Sa oras na sinusurat an baretang ini, dinara na an duwang vehiculo sa Milaor Municipal Police Station.—BICOLSTANDARD.COM
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...