Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Monday, November 30, 2015

Italian national, 2ng iba iba pa, gadan sa aksidente

Sarong Italian National asin duwang iba pa an nagadan sa barangaan nin mga awto sa Maharlika Highway sa barangay Busay, Daraga Albay kan sarong aldaw, sabi sa report kan pulis.

An mga binawian nin buhay iyo sinda Carol Lopez, 43 anyos, may agom asin residente kan barangay Bonoy sa Legazpi City asin sarong may pangaran Juvan, na pahenante sa truck, hale sa Barangay Putiao, Pilar, Sorsogon.

An duwang mga victima, pigdeclarar na mayo nan in buhay kan sinda darahon sa Bicol Regional Training and Teaching Hospital, sa Legazpi City.

Si Romas Tognolio, 42 anyos, may agom, sarong Italian national nagadan poco mas o menos ala una nin aga, kan Sabado, mantang pig bubulong sa hospital, sabi ni Sr Inspector Malu Calubaquib, an spokesperson kan PNP sa Bicol.

An victima nag sufrir nin tama sa saiyang payo asin sa lawas, sabi kan nag asikasong doctor sa victima.

Afuera sainda, may walo pang ibang personas an nagkarulugadan na dinara sa mga hospital sa Albay.

Sinabi ni Calubaquib na an truck na may plate number na WKC 634 cargado nin baybay asin graba asin pig mamaneho ni Samson Loterte, 56 anyos, binudalan an hurihan na parte kan Izusu passenger utility jeep na pig mamaneho ni Warren Magdasoc, 35 anyos.

Nawaran nin control an PUJ kan ini mabundol kan truck, na nakataltal sa pasiring sa sarong parte kan tinampo, dangan nagka-suagan an sarong kotse, na Muisubishi Montero (WBQ 946) na pig mamaneho ni Tognolio. Pasahero kan awtong ini si Lopez.

Sabi kan mga imbestigador an truck na may cargang baybay asin greaba asin an Izusu jeep nagdadalagan sa Maharlika Highway pasiring sa banwaan kan Daraga mantang an Montero SUC asin an Isuzu trick nagdadalagan na kasabatan ninda pasiring sa banwaan kan Camalig.—BICOLSTANDARD.COM
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...