Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Tuesday, November 3, 2015

Naghugot sa Calle Sexy

DAET, Camarines Norte—Selos asin problema sa familia an suboot rason kun tano nagdesisyon an 20 anyos na soltero na si Jonas Patrick Oribiana y Aquino na tapuson an saiyang buhay por medio nin paghugot sa laog kan saiyang pig-aarkelang istaran sa Calle Sexy, P-4, Barangay V, sa banwaan na ini.

Ini segun sa saiyang nobya na si Khorina Nava y Ganaon, 22 anyos, asin residente kan Dimasalang St., Barangay VIII digdi.

An lawas kan victim nakua kan saiyang ama na nakabitay gamit an paha sa saiyang kwarto bandang alas 6 nin aga kasubago.

Tulos man nagresponde an Daet Municipal Police Station asin Scene of the Crime Operatives sa incidente. Sa saindang imbestigasyon, nagluwas na mayo nin senyales na pigraot an pwertahan kan nasambit na kwarto.


Ipigdara na an lawas kan victim sa St. Peter Funeral Homes, Barangay 2, sa banwaan na ini para sa post-mortem examination.—BICOLSTANDARD.COM
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...