Saturday, November 7, 2015

CAFGU dinakop sa paggapo nin bus

RAGAY, Camarines Sur—Reklamong Malicious Mischief an isusunad kontra ki Jericho Ocmer y Misares, 27 anyos, asin miembro kan CAFGU Active Auxiliary kan Delta Coy 22nd Infantry Batallion sa Barangay Samay.

Stock image via Wikimedia Commons
Ini matapos siya madakop kan mga pulis na ginagapo an nagkapirang pampasaherong bus na nag-agi sa detachment.

An mga bus na nakarehistro sa Penafrancia Travel Tours, Philtranco, asin Bicol Isarog Bus Transport System igwang plate number na EVU 338, AAZ 1507, asin PIA 595.

An mga ini pigmamaneho ninda Pedreto Robert Espinas, Noime Esquillona, asin Ednor Mugary, na dai man nagsapo nin lugad sa insidente.

Alagad, an mga nasambit na bus anas nagkaigwa nin pig-aapod na structural damages, partiulcarmente sa parteng windshield.

Sa lindong kan ley kan Pilipinas, an kasong malicious mischief pwedeng isangat sa tawong nagkawsa kan pagkaraot kan pagsasadire kan iba.—BICOLSTANDARD.COM. Pirming enot. Pirming bago.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...