Friday, November 13, 2015

Bakery hinabasan kan nag-ala Spiderwoman

NAGA CITY—Sarong dai pa nabibistong babae an nag-ala Spiderwoman asin pigraot an galbanisado asin sementadong atop kan Atlantic Bakery sa Ninoy & Cory Aquino Ave., Brgy. Triangulo, Naga City sa pag-oltanan kan alas 8:30 kan fecha 9 asin alas-4 nin aga kan fecha 10 kan Noviembre.

Segun sa report na naguno kan BICOL STANDARD, nalalay kan nasambit na suspechado an P1,500 na cash sa laog kan cashier's booth kan tindahan.

An nagreklamo iyo an victima na si Jaime Poon y Chang, 62 anyos, may-agom, asin residente kan Villa Concepcion Subdivision, Concepcion Pequeña sa ciudad na ini.

Segun sa Police Station No. 2, padagos pa an imbestigasyon tanganing madakop an suspechado asin mabawi an linalay na kwarta.

Mientrastanto, nagpagiromdom an mga autoridad na paseguruhon an mga gamit na ipigwawalat sa laog kan mga establicimiento —BICOLSTANDARD.COM
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...