Sunday, October 4, 2015

Alkalde Rosal, napatanid sa mga abusadong tricycle driver

LEGAZPI CITY—Nagpaluwas nin anuncio an alkalde kan Legazpi na si Noel Rosal manungod sa pagbunga kan mga espuersos sa pagpasunod kan tamang pasahe sa mga tricycle sa nasambit na ciudad.

Kaibanan kan anuncio iyo an retrato kan sticker na ilalaag sa mga rehistradong mga tricycle. "Dai maglunad sa warang sticker," patanid kan alkalde.



"Hagad ko mga tugang, an saindong tabang asin kooperasyon nganing makoreheran ang salang gibo asin ipasunod an tamang pasahe.

Dai kita magbayad sa tricycle na sobra sa ipinapasunod na P8.00 sa primerong kilometro asin P1.00 sa lambang karagdagang kilometro.

Mga tugang magtarabang kita na masugpo asin matawan ki pinalidad ang mga nagbiyolar sa paagi kang text o apod sa mga numero na nakalaag sa baba. Dai paglingawan na kuwaon ang City Plate Number. Kung abo kita pasakayon dahil nagreklamo kita ireport man giraray.

MGA TUGANG KUNG LEGAZPENOS DAI MATAKOT, TIWALAAN NINDO KAMI. IREPORT LANG NINDO KAMI NA ANG MAPADAGOS. SIRING MAN NANGAPUDAN AKO SA MGA TUGANG TANG TRICYCLE DRIVERS DAI PO KAMO MAGHADIT INI PO PARA SA MGA NAGBIYOLAR MAN SANA. ASAHAN NINDO NA PATAS PARA SA GABOS ANG SATUYANG BATAS."—BICOLSTANDARD.COM
Share:

Featured Post

Drug lab query continues

Committee on Dangerous Drugs points to more inconsistencies VIRAC, Catanduanes 2/27/17 (Bicol Standard)—The House Committee on Dange...