Friday, October 30, 2015

Imbuelto sa human trafficking, tiklo

NAGA CITY—Yaon na sa poder kan mga awtoridad an duwang suspechado sa suboot imbuelto sa caso nin “human trafficking” sa banwaan kan Calabanga, Camarines Sur.

Susug sa report kan mga imbestigador, apat na personas, tulo digdi mga menor de edad an victima kuta kan sindicato, na imbuelto an pangaran ninda Arlene Songco Ramos asin Marites Riva.

An mga victima kan sindicato anas hale sa banwaan kan Lagonoy, Camarines Sur.

Ipinahayag kan informante na sinugo suboot ni Ramos si Riva na maghanap nin tulong lalaki asin sarong babae na pwedeng darahon sa provincia kan Pampanga tanganing duman magtrabaho.

Alagad, maswerteng nasabatan kan mga awtoridad an jeep na piglunadan kan mga victima, pero dae na sinda sa nakalunad sa awto.

Pirang oras an naka agi, nasusug kan mga pulis an kinakamugtakan kan mga victima, kaibahan na sinda Ramos asin Riva.

Mientrastanto, naghahanap pa nin dugang na mga evidencia an mga pulis para sa isasangat na caso contra sa duwang mga nasambit na suspechado.—BICOLSTANDARD.COM
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...