Saturday, October 31, 2015

Brgy. kagawad sa Lagonoy, dealer nin shabu

LAGONOY, Camarines Sur –An malinig na pangaran ni Roderick Martizano, alyas “Rikrik,” na miembro kan consejo kan Barangay San Francisco an biglang naramog nin murit kan siya dakopon kan mga awtoridad huli sa ipinapangalad na shabu.

Base sa report si Martizano pinagtutubodan na imbuelto sa ilegal na droga, asin target kan mandamiento de arresto na firmado ni Judge Timoteo Panga, Jr., kan Regional Trial Court, sa Ciudad kan Iriga.

Nagluluwas sa report na kan Octobre 29, alas 4:30 nin hapon, pinasadahan kan mga tawohan kan Lagonoy Municipal Police Station an residencia ni Martizano, na iyong ipigtutukdong pigguiguikanan kan pigbabariwas na shabu sa banwaan na ini.

Sa bisa kan Search Warrant, pinamayohan ni Senior Insp. Andrew J. Alcomendas, asin ni Senior Supt. Ferdinand S. Raymundo kan CSPPO an paghaloghog kan residencia kan suspechado, asin nakua an minasunod na mga contrabando: 8ng pidasong pakete na may laog nin puti na pulbos na pigtutubodan na methamphetamine hydrochloride (shabu),  1ng rolyong piniridaso nang aluminum foil, sarong posporo, duwang lighters, tooter, asin sarong rolyo nin aluminum foil.

Segun sa mga awtoridad, haloy na nindang pigmamasdan an gawi-gawi asin lakaw-lakaw kan buhay ni Martizano, kaya nasusog ninda na an piggigikanan kan nagkukuriyat na droga sa banwaan na ini, hale sa saiya.

Pighahanda na ngonian an magkakanigong asunto criminal na isasangat contra sa suspechado, sabi sa report ni SPO1 Rolly R. Nebran.

Si Martizano iyo an pigcoconsiderar na primero sa listahan kan Lagonoy MPS na imbuelto sa pagtinda nin droga sa banwaan na ini.

Afuera kan caso criminal na saiyang aatubangon, pwede pa siyang sangatan nin reclamo administratibo sa Sangguniang Bayan kan banwaan na ini.—BICOLSTANDARD.COM
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...