Wednesday, September 23, 2015

Naraog sa bulang, nag-ugot

NABUA, Camarines Sur—“Naraog adto si hermano sa bulang, kaya adto nag-ugot sapon.” Ini an pahayag sa pulis kan tugang kan victima na si Juven Elcano y Tana, 26 anyos, residente kan Z-3, Barangay Gorong-Gorong, ta suboot pwedeng grabe an pagbasol ta na-otot si saiyang haloy nang pigtipon-tipon na cuarta.

BICOL STANDARD stock photo
Nagluluwas sa imbestigasyon na an victima nadaog nin total na kantidad P1,500.

Sabi pa sa declarasyon sa record kan pulis, paghale sa bulangan ni Juven, dae na ini nagpuli sa saindang harong.

Digdi na-alarma an saiyang mga tugang, kaya nagpoon na sindang maghadit asin maghanap saiya.

Sa pareyong police report, sinasabing si Jesus Malota y Oares, 46 anyos, an nakadiscubre kan nakabitay na malipot nang hawak kan victima.

Si Elcano nagbitay sa sanga kan masarig na poon nin kahoy na an apod tabog-tabog, asin duman na siya nagadan.

An bangkay ni Elcano dinara kan pulis sa Rural Health Unit sa Nabua para sa autopsia.—Report ni Oscar Esmenda BICOLSTANDARD.COM
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...