Monday, September 28, 2015

RAWITDAWIT | 'Nagkaminidbidan' ni Estelito B. Jacob


Nagkaminidbidan
ni Estelito B. Jacob

Nagkaminidbidan na kami kan kamunduan.
Sinabat niya ako mantang patuyatoy ako
sa madiklom na kakahuyan nin agrangay.
Inagihan ko an pinakaharayong kapungawan.
Minasdan ko an mga gatok asin mapungay na mata.
Nilampasan ko an karayuan kan dai mapugulan na hibi.
Inalok ninda ako nin pagtiner, pagbalik asin pag-paaram.
Sa rumarum kan banggi na may pirikit na liwanag,
Dai ko masabutan an dapat na gibuhon, basta
An aram ko, sa pagbaklay na ini nagkaminidbidan
Kami kan nagdudulag-nagraraning kamunduan.

Oktubre 18, 2014
 8:16 n.b.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...