Wednesday, September 9, 2015

Pulis rinapado, mahalon na relo iyo an narugado

NAGA CITY –Assault upon an Agent of a Person in Authority.

Ini an caso na isinangat ni PO2 Jemijon T. Salamanque, miembro kan Naga City Police Office na nakadistino sa Police Station Number 3 sa Barangay Peñafrancia digdi.


Si PO3 Salamanque nagreklamo na rinapado siya nin kaputol na kahoy ni Francisco Marasigan y Veneracion, may agom, taga Liboton.

Base sa declarasyon kan victima, nagresponde sindang duwa ni PO1 Corpus sa sumbong ni Grace Marasigan, agom kan suspechado, na kan panahon na ito, nagbabalinghaw sa saindang harong.

Si Mrs. Marasigan nagsabi sa pulis na naghoma an saiyang agom na ibabarangbang niya sa luwas kan saindang residencia an mga gamit sa kusina asin iba pang mga gamit sa harong.

Naabotan ni Salamanque an suspechado na nakahigda sa laog kan residencia na may pugol nin armas na kahoy.

Kan nagrani an victima sa suspechado, bigla na sanang nagtindog ini, asin mayong sabi-sabi na hinumbalan tulos siya kan armas na kahoy.

Maray nganing marikas na nasagang ini.

Alagad si saiyang walang takyag, na may nakasulot na relo an tinamaan.

Huli kaini, naraot an saiyang relo na may tatak na Armani Exhange, na an kantidad P10,000.

Dae na man nakapalag an suspechado ta inarestar na ninda ini.

Nakasangat na an casong Assault upon an Agent of a Person in Authority contra sa suspechado na may I.S. No. V-05-INQ-151-0458 sa City Prosecutor's Office digdi.—BICOLSTANDARD.COM. Pirming enot. Pirming bago.
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...