Wednesday, September 9, 2015

Pulis Pili, suspect sa pagbadil

PILI, Camarines Sur—Makangirhat na insidente an nangyari sa sarong night club sa Barangay San Vicente kasubanggui poco mas o menos alas 2:30 nin magomagahon.

Pulis Pili, suspect sa pagbadil
Kua ni Oscar Esmenda/BICOLSTANDARD.COM
Si Albert Bufete y de los Santos, empleado kan gobierno lokal bilang traffic enforcer, binadil suboot nin tulong beses ni PO1 Leo Dumangas,  miembro kan Pili Muncipal Police Station.

Sabi kan mga testigo, an victima asin an suspechado nagkaigwa nin mainit na diskusyon na produkto nin nin pagselos sa sarong babae na nagtatrabaho sa Jouns Resto Bar sa Barangay San Vicente.

An babae na sarong entertainer sa club nabisto sa pangaran na Maila.

An sabi sa report, si PO1 Dumangas nagpasyar sa night club kun sain piglalaoman siya ni Maila ta may maray sindang pagkairintindihan.

Sa ibong na lado, si Bufete, regular man na nagsusundo ki Maila tanganing ihatod sa saindang harong pagkatapos kan saiyang trabaho.

Kasubagong mag-omagahon, nagdalaw si Dumangsang asin garo suboot naka-inom. Nagkasabatan an saindang dalan ni Bufete na haloy na niyang pigseselosan.

An victima asin an suspechado pareyo igwa na nin familia, asin may tigduwang aki.

Dae nacontrolan si nagkakalakagang init kan daghan ni Dumagsang, kaya sa saiyang pagselos, binunot si saiyang badil asin pinutokan an victima nin tulong beses.

An sarong bala, mortal tulos an tama, ta nagtadom sa saiyang payo, dangan sinundan pa nin duwang bala sa saiyang daghan.

Makuring maray si tama kan mga bala kaya duman na tulos nagadan an victima.

An mga awtoridad nagsisiyasat pa kan ibang pangyayari sa tahaw kan controversiya.
Report ni Oscar Esmenda, BICOLSTANDARD.COM. Pirming enot. Pirming bago.
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...