Saturday, September 19, 2015

P3 milyon na kantidad nin shabu nadakop sa Naga City

NAGA CITY—Nahulog na sa kamot kan mga awtoridad an saro sa pigtutubodan na dakulang persona imbuelto sa pagtinda nin methamphetamine hydrochloride (shabu) digdi.

An pinagsararong operasyon kan Philipine Drug Enforcement Agency (PDEA) asin Philippine National Police an nagsakyada sa Sitio Sagrada Familia, Barangay Penafrancia, sa ciudad na ini.

An principal na suspechado iyo si Ryan Santos, 33 anyos an edad.Sabi kan mga awtoridad haloy nang maray ninda ining pigbabantayan, alagad kasubangui sana sinda nagkaigwa nin tiempo na i-serve an
search warrant na firmado ni Judge Valentin Pura, sa RTC branch digdi.

Segun sa pahayag kan PDEA naabotan ninda si Santos sa saindang residencia asin sa saindang harong asin nakua an dae makulang sa sarong kilong shabu.

Carculado kan mga ahentes kan PDEA asin kan PNP na an valor kan pig babawal na bulong poon sa P2 miyon sagkod sa P3 milyon.

Afuera ki Santos dakul pang ibang mga imbuelto sa transaksyon na ini an sarabay nagooperar sa ciudad.

Sa presente an suspechado yaon sa laog kan carcel kan NCPO, asin mayong fianza an sinambit na caso.

An aatubangon nindang kaso iyo an pagbalga kan RA 9165, o an inaapod na Comprehensive Dangerous Drugs Act of 2002. (BICOLSTANDARD.COM)

Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...