Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Saturday, September 19, 2015

No. 2 most wanted sa Goa, dakop

GOA, CSur—Pagkatapos nin halawig na paghinirib kan mga lugar na pigtatagoan ni Michael Pena y Padillo, an pigcoconsiderar na ika 2ng pinaka “wanted” na persona sa banwaan na ini, nadakop man guiraray siya kan mga awtoridad.

Sabi sa ipinadarang report sa Provincial Police Office (PPO), sa Naga City, kan GOA MPS, nadakop si Pena sa Sitio Laog, Barangay Buyo digdi.

An suspechado may inaatubang na casong Illegal possession of Firearms and ammunition, na may
Criminal Case No. T-4023 asin may recomendadong fianzang kantidad P200,000.00.

Afuera kan nasambit na asunto, igwa pa siyang kasong pag balga kan Comelec resolution No. 9561-A, na may relasyon sa Omnibus Election Code, na pig amendaran kan RA 97-35.

An sinambit na caso igwa nin separadong recomendadong fianzang P60,000.00.

Base sa record kan mga awtoridad si Pena dadarahon sa sala ni Judge Noel D. Paulite, an Presiding Judge kan Branch 30 kan Regional Trial Court sa San Jose, Camarines Sur.

An mga nagdakop ki Pena iyo an pinagsararong elementos kan GOA MPS na pinamayohan ni PO3 Kim Apelledo, mga miembros kan Ocampo MPS, na pinamayohan ni PO3 Jay Papin asin kan Camarines Sur Criminal and Detection Team.

Sinda iyo an nagimplementar kan Warrant of Arrest kan RTC. (BICOLSTANDARD.COM)

Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...