Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, September 9, 2015

Sari-sari store, sinalakat sa Naga City

NAGA CITY—Nagpapadagos an mga caso nin pagsalakat sa mga harong digdi na imbuelto an mga dae nabibistong mga pusikit na parahabas.

Naga City Police Office
Kasoodma, saro na naman na sari-sari store an dae pinatawad kan parahabon, na naglaog sa tindahan por medio kan fuersahan na pagraot kan tapal na plywood asin steel screen para makalaog.

An victima iyo si Cristal Viscaya y Palican, taga Barangay Triangulo digdi.

Isinaysay kan victima na an parahabon naglalay kan minasunod na mga gamit ninda: DVD player na na an valor P1,800; anom na pidaso nin bag na gibo sa abaca; 25ng pidaso nin noodles na an kantidad P400; 20ng patos nin kape, 85ng pidaso nin especial na clase nin mga dulce; iba-ibang brand nin cigarillo asin cash na kantidad P5,000.

An suspechado, sabi kan mga nag-iimbestigar, pwedeng taga digdi man sana sa saindang pagtaraid na lugar ta aram na entero an pasikot-sikot kan laog kan saindang tindahan.

Nagluwas an parahabon sa pareyong lugar na inagihan niya paglaog sa tindahan.

Mientrastanto, apisar kan pira nang surunod-sunod na mga caso nin pananalakat an nagyari sa ciudad na ini, mayo pa lamang maski saro na nadakop an mga awtoridad sa barangay, o an mga pulis digdi.

An sabi sa pahayag kan mga pulis, ginigibo pa ninda ngonian an pagtipon nin mga evidencia para madakop an mga responsable sa pagsalakat.—BICOLSTANDARD.COM. Pirming enot. Pirming bago.
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...