Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Monday, September 28, 2015

Para budol-budol, dinakop kan tanod sa Naga City

Para budol-budol, dinakop kan tanod sa Naga City
Kua ni Boyet Paderes, BICOLSTANDARD.COM
NAGA CITY—Pagtios. Ini an gasgas nang linya kan mga tawo na nadadakop kan mga awtoridad na sinasahotan na imbuelto sa mga ilegal na gibo.

Ini an ipinahayag ni Analyn de los Santos y Olaso, 24 anyos, taga Camagong, Tinambac, Camarines Sur, na dinakop kan tanod sa Zamora, St., Sabang, sa sahot na siya imbuelto siya sa sarong forma nin budol-budol.

Si de los Santos, itinukdo kan mga tanod na na imbuelto sa pag pa-order nin laptop asin kutson na higdaan asin iba pang mga gamit, sa terminong mensualan.

Susug sa reclamo, si de los Santos hinagadan an victimang si Corazon Maxion, 43 anyos, may-agom nin kantgidad P1,800 bilang antisipo, bago i-deliver an sinambit na pinaorder na mga gamit.

Sabi kan suspechado sa entrevista kan BICOL STANDARD, pinapahimutikan niya an mga sahot saiya ta bako siyang manloloko.

Siya suboot nasugo sana kan sarong lalaki na dae niya bisto an pangaran para magpa-order nin mga efectos.

An tugon kan kaolay niyang lalaki, bastang an saiyang gibo magpara-paorder sana, asin segurohon na maghagad nin antisipo, ta seguradong maabot an mga binabakal na efectos pagkalihis nin pirang aldaw sana.

Kan mag-abot an talaan na plazo sa pagdeliver kan efectos, nagsabi an suspechado na mayo pa an binabakal kan nagpidir.

Suboot nagkaigwa nin problema sa Oficina kan Bureau of Customs, kaya dae pa nakakaluwas an kargamento.

Mientrastanto, kasoodma, poco mas o menos ala-1:30 nin hapon, sa may LCC sa Sabang, itinukdo kan victima an suspechado sa mga tanod.

Tulos siyang tinakma kan mga tanod para panimbagon kan mga isinasahot na kasalan.

Si de los Santos hirit na maray an pahimutik na imbuelto siya sa budol-budol.

Segun sa mga awtoridad sasangatan nin casong pagsuba si de los Santos, huli kan malinaw na pagbalga kan ley sa Estafa.—Report ni Boyet Paderes, BICOLSTANDARD.COM
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...