Wednesday, September 23, 2015

Punong barangay, nadakopan shabu

CASTILLA, Sorsogon—Imbes na magtabang sa pag-enforsar sa ley kontra sa droga, sarong punong barangay an nadakop kan pinagsarong fuerza kan mga pulis asin Philippine Drug Enforcement Agency (PDEA) nin methamphetamine hydrochloride o shabu.

Stock image
Si Richard Andes y Labayo, 39 anyos, punong barangay kan Barangay Dinapa sa banwaan na ini, pigsirbehan kan saiyang mandamiento de arresto sa saiyang residencia kan alas 8:20, fecha 18 ngonian na bulan.

An warrant of arrest ipinaluwas ni Judge Rofebar Gerona kan Regional Trial Court Branch 53.

Kinumpiskar kan mga autoridad ki Andes an limang sachet nin pulbos na pinagtutubudan na shabu na nakalaag sa sarong camera pouch.

An kaso kontra saiya iyo an pagbalgar kan Republic Act 9165, o an inaapod na Comprehensive Dangerous Drugs Act.—BICOLSTANDARD.COM
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...