Wednesday, September 23, 2015

Aki, natuprod kan masulo an harong

MAGALLANES, Sorsogon—Binawian nin buhay an sarong 2 anyos na aki na iwalat kan saiyang ina sa saindang residencia sa Barangay Malbog, banwaan na ini, tanganing magkobra nin taya para sa small-town lottery (STL) asin magpabakal nin ice candy kan sarong aldaw.

Stock image hale sa Pixabay
Base sa ginibong pagsiyasat, nasubsuban an harong ni Babylyn Pura y Malle, 30 anyos, asin sarong single parent, mantang mayong nagbabantay sa saiyang duwang aki.

Ini tulos ipigreport ni Celia Gozmo sa Bureau of Fire Protection, na nakaistar sa kataid na harong, kan saiyang maheling na nag-aarab-adab an kalayo sa kusina sa harong ni Pura.

Segun ki FO3 Rio H. Rempillo, nakua ninda an hawak kan gadan na aki sa laog kan natuprod na harong.

Alagad, an matuang tugang na 6 anyos, maswerteng nakasalbar.

Gibo sa pinag-aapod na kawayan asin nipa an nasambit na harong.

Nangongorob-ngorob na nagbabasol si Babylyn na ipigwalat niya an saiyang mga aki na mayong kaibanan.

Sa oras na sinusurat an baretang ini, pig-iimbestigaran pa kan BFP kun may posibilidad na arson an nangyari.—BICOLSTANDARD.COM
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...