Friday, August 14, 2015

Supertyphoon pwedeng maglaog sa PAR sa masunod na semana

Pwedeng magkaigwa kita nin supertyphoon sa masunod na pirang aldaw kun maglaog sa Philippine Area of Responsibility (PAR) an nagbibilog na maraot na panahon.



Nagpahayag si Manny Mendoza kan Philippine Atmospheric, Geophysical and Astronomical Services Administration (PAGASA) na an supertyphoon aapodon sa pangaran na “Ineng,” oras na maglaog ini sa PAR.

Sabi sa report ngonian kan weather bureau matagros an paghiro kan maraot na panahon, na nagaabot sana sa 9 na kilometros por ora pasiring sa PAR.

An supertyphoon pwedeng maglaog sa PAR sa masunod na semana, sa pag oltanan kan Agosto 19 asin 20.

Ini an mapakusog an duros habagat na madara nin darakulang mga alon.
An pig babantayan na supertyphoon dae man matugpa sa kadagaan kan Pilipinas kun masusug ini sa presenteng dalan.

An PAGASA nagbabantay kan paglaog kan maraot na panahon na yaon pa sa tahaw kan dagat Pacifico. —BICOLSTANDARD.COM Pirming enot. Pirming bago.
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...