Saturday, August 22, 2015

RAWITDAWIT | MAAMBON NA AGA ni Estelito B. Jacob



MAAMBON NA AGA
ni Estelito B. Jacob

maambon an aga
kaya mayumo
an dahon
asin pirit
pinapalukmo
sa gabat kan
nagbibilog-bilog
na tubig.

pinadalihig
an tubig.
duwa sindang
nagtatakig.

digdi,
sa tungod
kan lanob
na ginatub
nin aloy,
nangingisog
an init.
maimbong
an tubig na
sa mapulot
na hawak
nagdadalihig.

Septyembre 24, 2014
7:32 n.b.

Share:

Featured Post

PRO5 - PO1 PASSERS OF PHYSICAL, MEDICAL & DENTAL EXAMINATIONS

Police Regional Office 5 1st Cycle of CY 2018 Police Officer One (PO1) Regular & Attrtion Recruitment Program PASSERS OF PHYSI...