Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Monday, August 17, 2015

14 anyos na aki, gadan kan mabadil sa Sta. Cruz, Naga City

NAGA CITY—Mayo pa nin palinaw na rason sa causa kan pagkagadan kan sarong 14 anyos na aki sa Narra St., Sta Cruz, digdi.



An victima, nabistong si Gabriel Enrico Payte y Florendo, may tama nin bala sa saiyang hawak, kaya dinara sa NICC Hospital, kasoodma.

Sabi sa imbestigasyon, sinda Nilo Payte asin Vivian Briones, na katabang sa harong, nakadangog nin duwang putok nin badil sa laog kan residencia kan victima.

Kan saindang reparohon kun ano si nangyari, naheling ninda na nagbubulos na an dugo hale sa lawas kan victima, mantang nakahigda na sa salog kan saindang harong.

Idinalagan tulos an victima sa NICC Hospital, alagad sinabi kan doctor na mayo na siya nin buhay.
Nin huli ta mayong nakaheling kan pangyayari, an Camarines Sur Provincial Crime Laboratory Scene of the Crime Operatives sa pamamayo ni Senior Inspector Michelle Estolatan nagconducir nin pasiyasat sa lugar kan pinangyarihan.

Nakakua an SOCO nin nagkapirang bala nin badil, an duwa pinaputok nang capsula.

Mientrastanto, si Estolatan nagpadagos na mag proceso kan lugar kan krimen para determinaran an casusa.

Sa ibong na lado, ipig-turnover na sa mga awtoridad an badil ni Nilo Payte y Buenaagua, ama kan victima na sarong calibre .40 Glock 23 na badil na may serial number na AAEP238 sa mga awtoridad.

Hastang sa panahon na pigsusurat an baretang ini mayo pang malinaw na informasyon kun ano an causa kan pagkagadan kan minor de edad.—BICOLSTANDARD.COM Pirming enot. Pirming bago.
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...