Saturday, August 8, 2015

Nagtaban 2 panty, sepilyo, tinidor, kutsara, sa LCC Nabua, narakop

NABUA, Camarines Sur—Mayong naguninibo an sarong 23 anyos na babae na taga Barangay Coguit, Balatan, Camarines Sur kan siya dakopon kan bantay sa Liberty Commercial Complex (LCC) sa banwaan na ini, pagkatapos na siya masahotan na naghabas nin mga gamit na pigtitinda kan department store.



Sabi sa report, an suspechadong si Jonna Buban-Saldo, dinakop mismo ni Raymond Sandrino y Tanay, na nag tatrabaho bilang Customer Relation Assistant sa LCC digdi dangan dinara sa hepatura kan pulis.

Nakua sa poder ni Jonna Buban-Saldo an minasunod, na sinasabing anas inikit sa tindahan: duwang panty, sarong docenang kutsara asin tinidor, duwang kupya, sarong deodorant, sarong toothbrush, sarong Katinko ointment, sarong padis nin sapatos, legging pants, asin peeler.

An gabos na hinabon na gamit may total na kantidad P1,500.22.

Sabi kan LCC hinigotan na nindang maray an pagbantay sa saindang establisimiento huli kan dakulang problema na saindang sinasapo sa mga parahabon.

An reclamo contra sa suspechado isinangat na sa Municipal Trial Court digdi.—BICOLSTANDARD.COM Pirming enot. Pirming bago.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...