Wednesday, August 12, 2015

Drug pusher sa Nabua, nadakop; P240,000 an recomendadong fianza

NABUA, Camarines Sur—Nangingisog na an mga awtoridad sa banwaan na ini na ipasunod an ley mapadapit sa ipigbabawal na droga, na sabi sa enot na mga bareta, lantadan na an pagkuriyat sa poblacion asin sa mga barangay digdi.

File photo of shabu confiscated Nabua, Camarines Sur
Photo by Nabua MPS
An pinakabagong incidente iyo an pagdakop ki Arnaldo Masculino y Mediado, 52 anyos, taga Sitio K. Kirangay, Sto. Domingo, sa banwaan na ini.

Si Masculino bistadong maray na nagbabariwas nin droga digdi, asin igwa na nin inaatubang na caso sa Regional Trial Court (RTC).

Basado sa report, si Masculino igwa nin inaatubang na mandamiento de arresto na firmado ni Judge Timoteo A. Panga, Jr. kan Branch 60 kan RTC sa Iriga City.

An caso na saiyang inaatubang pagbalga kan Art. II kan Republic Act 9165, o an inaapod na Comprehensive Dangerous Drugs Act.

Nagrecomendar an jusgado nin fiansang kantidad P200,000.00 asin P40,000.00, sa duwang separadong mga caso na saiyang inaatubang ngonian.

An caso contra ki Masculino iyo an Criminal Case no.11079 asin 110789, na anas manongod sa ilegal na droga.

Dinakop siya kan mga pulis alas-4:30 nin amay na pagkaaga, sa sainda mismong residencia.
An suspechado dadarahon sa RTC para ipaisi sa jusgado na siya nadakop na. —BICOLSTANDARD.COM Pirming enot. Pirming bago.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...