Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, August 12, 2015

Collector nin pautang, hinoldup sa Minalabac

MINALABAC, Camarines Sur—Mayong nakabisto kan duwang suspechado sa pagholdup ki Aljun Mapiot y Taboco, asin Joel Gerona y Pizon, mga residentes kan Lomeda, San Felipe, Naga City asin mga collector kan Firmus Credit Corporation.

BICOL STANDARD stock photo
Sabi kan mga imbestigador, an duwang suspechado inabangan sa Barangay Del Socorro an duwang victima, asin pinara, derecho si totok nin badil sa sainda.

Mantang nasa paghadit kan peligro sa saindang buhay, itinao kan mga victima an saindang darang cuarta na carculadong kantidad P10,000.00, cellphone an valor P2,700.00, asin pagsasadire ni Aljun Mapiot.

An mga suspechado dae nabisto huli ta nakasulot sinda nin maskara sa saindang lalawgon, asin armado nin calibre .38 na revolver.

May pagtubod an mga nag-iimbestigar na haloy nang pig-aadalan kan mga suspechado an lakaw kan mga collector kan companiyang nagpapautang, kaya sinda pinasegurong inabangan sa lugar na mayong mga naka-estar.

May posibilidad na an mga kaggibo kan krimen nag-aaram kan transaction sa pagpautang kaya si oras asin si aldaw na sinda macolecta kan bayad, iyo si panahon na sinda pig-abangan.

An mga miembros kan Minalabac Municipal Police Station an nakihumapot sa mga inagihan na lugar kan mga victima, alagad mayong nakuang informasyon na pwedeng makatukdo kan responsable sa krimen. —BICOLSTANDARD.COM Pirming enot. Pirming bago.
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...