Wednesday, August 12, 2015

Cuarto kan padi sa Lagonoy, sinalakat

LAGONOY, Camarines Sur—Maski an cuartong pig-eestaran kan cura paroko kan simbahan, an dai na lamang pinasalvar kan mga parahabon sa banwaan na ini.

Stock image via Pixabay
Sabi sa police report, kan fecha 11 ngonian na bulan, alas 10:30 nin aga, nagsumbong sa mga awtoridad si Rev. Father Baltazar Antonio Imperial y Barcenas, an cura paroko kan St. Philip and James the Apostles, na sinalakat an saiyang cuartong pig-eestaran sa simbahan.

An simbahan namumugtak sa Barangay Sta. Maria digdi.

Base sa informasyon kan padi, kan fecha 11, ngonian na bulan, an saiyang tulong bag an naabotan niyang naka warak na sa may terasa kan saiyang cuarto.

An saro sa mga bag may laog na P3,000 na cash, an hand bag may laog na kantidad P4,000, asin an clutch bag, may laog nin P8,000.

Pagkatapos niyang verificaron si nangyari, naaraman ni Fr. Imperial na an cuarta na nasa laog kan mga bag an mayo na.

Pigtutubodan na kinua kan dae nabistong parahabon.

Durante kan ginibo an imbestigasyon, nadiskubre na an nagsalakat nag-agi sa terasa kan combento,
para makalaog sa cuarto kan cura paroko.

Pinalusot si kamot kan parahabon sa sadit na labot para mabukasan an pwertahan.

Mientras na yaon sa laog kan cuarta, kinua kan parasalakat an mga bag na nakabugtak sa ibabaw kan lamesa.

An suspecha kan mga nagsiyasat, an parasalakat naglaog sa pag-oltanan kan oras na alas 2 nin aga hasta alas 3 nin mag-omagahon.

An mga awtoridad naghahanap pa nin informasyon na pwedeng maging giya ninda sa pagresolver kan nangyaring krimen.—BICOLSTANDARD.COM Pirming enot. Pirming bago.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...