Wednesday, August 12, 2015

Ditinidong preso, nakadulag, nadakop liwat

DEL GALLEGO, Camarines Sur—Nadakop, nakadulag, alagad nadakop guiraray.

Ini an nangyari ki Reynaldo "Kabot" Estrope y Buena, 51 anyos na residente kan Barangay Sinuknipan I digdi.

PNP
Si Estrope dinakop kan mga awtoridad digdi huli sa paglapas sa Section 5 asin 11 kan Republic Act 9165, na mas bisto sa apod na Comprehensive Dangerous Drugs Act of 2002.

Pagkatapos sana kan inquest proceedings contra saiya, an suspechado pinalunad sa Mitsibushi L-300 van, para sa magkakanidong disposisyon kan saiyang inaatubang na caso.

Alagad, mantang nagdadalagan an piglulunadan niyang awto, asin guardiado ninda PO3 Albuero kaibahan sinda  PO3 Bautista asin PO3 Lualhati, si Estrope biglang luminampaw sa awto, dangan marikason na nagdulag.

Huli kan siring na pangyayari, nagkasiribot si mga nagbabantay na mga awtoridad tanganing dakopon guiraray an suspechado.

Pero, nakapahipli siya sa madoot na lugar asin nawara sa pagheling kan mga pulis.

Mga bandang alas 12 nin aga, an nakadulag na suspechado an nadakop man guiraray kan mga pulis, sa barangay Tabugon, Sta. Elena, Camarines Norte.

Kan si Estrope madakop liwat, nakalunad siya sa ten-wheeler na truck na may plate number na RKN-868.

An nakadakop kan suspechado iyo si mga tawohan kan PNP sa pamamayo ni Senior Inspector Diome C. Cardano, an Acting Chief of Police digdi.

Yaon pa siya ngonian sa hepatura kan police, mantang pighahanda an disposisyon kan saiyang inaatubang na caso.—BICOLSTANDARD.COM Pirming enot. Pirming bago.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...