Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Thursday, August 20, 2015

Parabudol-budol nabiktima an Jollibee sa Ligao City

LIGAO CITY—Pirang beses nang nangyari an modus operandi na ginagamit ngonian kan suspechado sa panloko na an paboritong victima iyo an mga fast food chain, orog na an Jollibee.
Kan sarong aldaw, an pareyong modus operandi nag-asir na naman.



An sabi sa report na nakaabot sa pulis, sarong lalaki an nag-order nin kakanon sa Jolibee, sa Mc Kinley Street, Barangay Dunao digdi.

Bilang kabayaran, itinao kan lalaki an kantidad P1,000.00 sa kahera.

Alagad, pirang segudos sana an nakaagi, nagribay an isip kan parabakal dangan nagsabi na an exactong valor kan saiyang order an ibabayad na sana, asin an P1,000.00 na enot niyang itinao, binabawi para salidahan.

Itinao kan kahera si P1,000.00 sa customer.

Dae nagreparo an kahera mantang sibot ini sa iba pang mga nagbabayad, rinibayan kan customer an kantidad na P1,000.00 nin kantidad P100.00 na cuarta.

Nakidiskusyon si lalaki na an itinao saiya kan babae bakong P1,000.00 kundi papel na P100.00 sana.
Para matapos an diskusyon, tinawan liwat kan kahera nin P1,000.00 si customer, kaya ini naghale na.

Pagkahapon kan kapareyong aldaw, durante kan ginibo an pagcuenta kan saindang benta, saka naconfirmar kan kahera na nagkukulang an saindang cuarta, ta naloko kan parokyano man sana.

An nagreklamo sa pulis iyo an kagsadire kan Jollibee Ligao Branch, na pigrepresentar ni Nestor Cano Jr. y Cruzana, na iyo si kahera kan mangyari si transaction.

An siring na modus operandi pirang beses nang pinaasir kan mga parasuba.

Sabi kan mga awtoridad nangyari na ini sa iba pang banwaan sa Camarines Sur.

Alagad ngonian, sa Albay na naglipat an mga parabudol-budol.—BICOLSTANDARD.COM. Pirming enot. Pirming bago.
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...