Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Thursday, August 20, 2015

Brgy. Tanod sa Tiwi, tinigbas sa baylehan

TIWI, Albay –Masuerteng nakalibre sa haros ciertong kagadanan si William Cillan y Dacuba, Barangay Tanod kan Mayong, sa banwaan na ini, kan siya patugpaan nin sarong tigbas na nagtama sa saiyang loong.



Sabi sa resulta kan imbestigasyon, si Cillan iyong pigdistino sa mayor na entrada kan baylehan sa barangay na ini, huli ta nagcecelebrar sinda kan saindang fiesta.

An suspechadong si Rolando Coderis y De los Reyes, na residente man sana kan barangay na ini muyang maglaog sa baylehan.

Pinogolan suboot ni Cillan an suspechado na maglaog ta grabe na an pagkaburat kaini.

Dae nagtubod an suspechado kaya binugtian sa daghan an victima asin itinuklang, kaya nagsuruntokan sinda.

Nasaway ni Punong Barangay Jovito C. Coderis kan iwal kan duwa asin mantang pig-aantabayanan kan kapitan paoli sa saindang harong an victima, an suspechado naglapag pa sainda. Kan makarani an suspechado, dae lamang nagmangno si Cillian na winatingan siya nin makusog na tigbas hale sa likodan kaya an tinamaan iyo si loong niya.

Marikas na nadisarmaran ni PB Coderis an suspechado na dagos nang inarestar.

Mientrastanto, an victima nagnatitiwis na nin dugo an idinalagan sa Ziga Memorial District Hospital, sa Tabaco City para ipabulong.

Dinara na lugod si Cillian sa BRTTH sa Legaspi City para malapatan nin magkakanigong atensyon medical.

An ginamit na tabak kan suspechado iyo an 19 pulgadas na minasbad na pigsuko na sa pulis kan banwaan na ini.—BICOLSTANDARD.COM. Pirming enot. Pirming bago.
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...