Thursday, August 13, 2015

Bra, panty, T-shirt inikit kan daraga sa cabana kan CWC

PILI, Camarines Sur—Huli sa gama-gama na makasulot nin imported na bra, panty asin T-shirt, natintaran an sarong 24 anyos na daraga na taga Zone 4, Santicon, Polangui, Albay na ikiton an sinambit na personal na gamit hale sa sablayan sa likod kan sarong cabana sa Capitol Complex sa banwaan na ini.

Cabana sa CWC
Retrato hale sa cwcwake.com
Si Christine Joy Duenas y Ronda, dinakop kan mga miembros kan Civil Security Unit (CSU) na sinda Marilou P. Avila, Franklin P. Marrero, Edwin A. Serrano, Rino Alarde asin Arjie Blasco, dangan dinara sa hepatura kan pulis digdi.

Segun sa imbestigasyon,  poco mas o menos alas 6 nin aga kasoodma, itinukdo kan mga testigo si Duenas na iyong nagkua kan nakasablay na bra, panty asin t-shit na sadire ninda Grzegroz Pawet Kazmierczak, 23 anyos, daraga, asin Joanna Marta Wozna, 23 anyos, pareyo taga Poland, na bisita sa CWC.

An duwang Polish nationals nag arkila kan room 67 kan sarong cabana na pahingaloan  bilang mga turista sa Camarines Sur.

Para maka-economiya nin gastos sa pagpalaba, naisipan kan duwa na labahan an saindang mga personal na gubing, asin pa-alangon sa sablayan, sa likod kan saindang arkiladong estaran.

Nakua kan mga miembros kan CSU an mga hinabon na gamit sa poder ni Duenas, kaya siya dinara sa pulis.

Mientrastanto, an duwang Polish nationals pinatawad na kuta an suspechado sa pagkaherak digdi.

Alagad, sa pagrekesa kan mga gamit na dara kan suspechado, an mga imbestigador nakakua sa bag kan suspechado nin plastic sachet, na an laog pulbos na pigtutubodan na methamphetamine hydrochloride o shabu.

Maski si Duena pinatawad na sa casong paghabon, dae pa guiraray siya makakalibre sa saro pang kaso dapit sa ilegal na droga.

Sabi kan mga imbestigador, kakasohan siyang pagbalga sa Republic Act 9165, o an inaapod na Comprehensive Drugs Act.

An mga nakamasid kan pangyayari napangisi na sana kan maheling na si bra, party asin T-shirt na hinabon kan victima na anas palan large size na dae man pwedeng pakinabangan kan sadit na lawas kan nag-ikit kan mga gamit na ini.—BICOLSTANDARD.COM Pirming enot. Pirming bago.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...