Friday, August 28, 2015

Bomberong habo magbayad sa aling-alingan, ipigreclamo

CASIGURAN, Sorsogon— En ves na sangatan nin casong Estafa si Dinnes Dioquino y Dealca, sarong tawohan kan Bureau of Fire Protection (BFP) na nakadistino sa Juban, Sorsogon, nagtugot na sana ining bayadan si saiyang perwisyo sa sarong night club digdi.



An may sadire kan club na iyo si Calexto Abana, residente kan Barangay Lungib, nagreclamo sa mga awtoridad na habong bayadan Dioquino si saiyang pig-inom sa laog kan club kan victima.

Base sa imbestigasyon, nag-apod sa cellphone kan police si Abana tanganing magsumbong na may saro sindang customer na nagsasayuma na magbayad.

Kan marisibe an reclamo, tulos nagpadara an hepatura kan police digdi nin mga tawohan para magsiyasat kan probmema.

An namayo kan grupo hale sa PNP iyo si Senior Inspector Pedro Jimenez.

Naaraman kan mga imbestigador na an ipigrereklamong si Dioquino naglaog sa night club, asin mantang nasa kasiraman kan saindang kaorogmahan, naghagad na tawan niya nin kaolay-olay na babae.

Nakaubos si saiyang ka-table na babae nin pitong bote nin beer asin sarong tasa nin kape. An total na valor kan saiyang pig-order P995.

Huli ta makulit na asin habo pang magbayad si Dioquino, dinara lugod siya kan mga pulis sa saindang oficina, dangan ilinaog sa carcel.

Alagad, pinaluwas man sana ini kan siya magconforme na bayadan si saiyang mga naconsumo sa aling-alingan.

An victima nagpahayag sa mga awtoridad na dae na siya interesado na magsangat nin casong estafa contra sa bombero, ta binayadan na an valor kan saindang ininom.—BICOLSTANDARD.COM
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...