Saturday, August 8, 2015

Babae nakuang gadan, posibleng linupigan

TINAMBAC, CSur—Pig-iimbestigaran na kan mga miembros kan Scene of the Crime Operatives (SOCO) an kinakamugtakan kan bangkay ni Evelyn Balmas y San Juan, 33, na nakuang mayo na nin buhay sa sarong madoot na lugar sa Barangay Salvacion digdi.



Si Balmas mayo nin agom, alagad may kasaroan.

Sabi sa enot na report kan mga imbestigador, an bangkay ni Balmas nadukayan na huba kan saiyang pan-ibabang gubing asin natatakloban nin tamong an kabangang parte kan saiyang hawak poon sa payo.

An mga imbestigador pigpoproceso pa an gabos na mga pwedeng magamit na evidencia sa incidenteng ini.

An mga nakaheling kan kamugtakan kan bangkay nagtotobod na tinuyo an paggadan, asin pwede pa ining victima nin pang-aabuso kan saiyang pagkababae.

Si Police Chief Inspector Paul Cabug an nagpahayag na nagpapadagos pa an saiyang pagsiyasat. 

Nangyari an krimen kasoodma.—BICOLSTANDARD.COM Pirming enot. Pirming bago.

Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...