Thursday, August 20, 2015

Babae hinoldup sa tinampo, cuarta, iba pa, linalay

LABO, Camarines Norte –“Matigas ka ha, gusto mong mamatay,” ini an nadangog na itinaram kan sarong lalaki na nakasakay sa sarong motorsiklo na mayong plaka na nagpondo sa atubangan kan pigtitindogan ni Wilma Icatlo y Calandria, na sarong negosyante asin residente kan Purok 2, Barangay Malasugui, sa banwaan na ini.


Si Icatlo nagsumbong sa pulis na mantang siya solo-solong nakatindog sa guilid kan tinampo asin naghahalat nin malulunadan na tricycle.

Segun saiya, pinondohan siya kan sarong itom na scooter na hale sa direksyon kan Vinzons, Camarines Norte.

Nabigla an victima kan maheling niyang nakamaskara an may dara kan motorsilo, dangan nadangog niya an tataramon na “hold up ito, akin na ang bag mo.”

Sa primero, dae itinao kan victima an saiyang bag, kaya pinaputokan siya kan armas na badil kan suspechado na nakapuntariya an bala sa daga.

Huli kan takot na siya na lugod an masunod na badilon, itinao ni Icatlo an saiyang darang lila na bag na may laog nin P8,000.00, ATM card asin sarong cellphone.

Nagsabi pa an holdupper na “gusto mo pang mamatay” dangan nagpadalagan na kan saiyang piglulunadan na motorsiklo pasiring sa direksyon kan Poblacion, Labo.

An victima pirmeng amay na nagsasaod asin kan panahon na ito, may dara siyang talong na ipapabakal sa mercado.

Nagpapadagos pa an imbestigasyon kan casong ini.—BICOLSTANDARD.COM. Pirming enot. Pirming bago.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...