Monday, August 3, 2015

Deputy Provincial Director kan CSur Police, inambush; salbado na sa kagadanan

BATO, Camarines Sur—Tinamaan nin bala sa itaas na parte kan daghan alagad salbado na sa kagadanan si Police Supt. Romeo L. Pillonar, an Deputy Provincial Director kan Camarines Sur Provincial Police Office sa nangyaring paghipa asin pagbadil saiya asin mga pag-iriba sa Zone 4, sa Barangay Salvacion, digdi.

Police Supt. Romeo L. Pillonar
Si Pillonar, taga Barangay Divina Pastora, nagmamaneho kan saiyang awto kasunod si PO2 Ian Dvae C. Ramos, taga Barangay Masoli, na nagmamaneho nin motorsiklo, asin si Domingo C. Landagan Jr, taga Zone 3, Barangay Santiago, naka lunad man sa motorsiklo, pinaarakasakan nin mga badil mientras na nagbabaktas sa Barangay Buluang digdi.

Huli kan pinauran na mga bala sa grupo ninda, si Pillonar tinamaan sa itaas na parte kan saiyang daghan, kaya idinalagan tulos sa Mother Seton Hospital sa Ciudad nin Naga.

Si Domingo C. Landagan Jr., iyo si nagsapo nin nagkapirang tama nin bala sa saiyang lawas na naging causa kan saiyang tulos na pagkagadan sa lugar na pinangyarihan kan krimen.

Si PO2 Ramos asin naka-ibitar sa nag-uuran na bala na pinaputok nin rapido pasiring sa grupo ninda.

Nagtabang sa pagrescue ki Ramos iyo an mga nagrespondeng miembros kan 2nd Maneuver Platoon na nakabase sa Barangay Nierva, Nabua, Camarines Sur, asin an mga tawohan kan Bato Municipal Police Station na pinapamayohan ni Senior Inspector Gary DV Mangente, an OIC digdi.

Base sa pinaka bagong despache kan bareta, si Pillonar salvado na sa peligro huli ta bako man hararom si tadom kan bala na nag tama saiya.—BICOLSTANDARD.COM
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...