Friday, August 7, 2015

9 na Chinese nationals dinakop sa Aroroy, Masbate

AROROY, Masbate – Hinagad an tabang kan mga miembros kan pulis sa pagdakop kan 9 na mga Chinese national na nadiskubreng nagtitinir sa banwaan na ini na mayong permiso sa gobierno.


An Bureau of Immigration, National Bureau of Investigation asin an mga tawohan kan pulis digdi an magkatuwang na nagdakop kan mga dayuhan.

Nangyari an pagdakop sa sainda sa Barangay Bagauma, sa banwaan na ini, alas 10:00 nin aga kan fecha 4.

Si Homorgene T. Paquez, an Intelligence Officer II kan Bureau of Immigration, asin si Atty. Reynald Remo kan National Bureau of Investigation, katuwang an mga personahes kan PNP digdi an nagdakop kan minasunod: Wang Kai, 55 anyos; Yu Jichun, 57 anyos; Chu Quingyou, 51 anyos, Cai Xuechun, 45, anyos, Xi Quiming, 45, Wand Daxin, 41; asin Song Xiangli, 57 anyos.
Sinda gabos kakasohan nin pagbalga kan Philippine Immigration Act of 1940.

Ginibo an operasyon sa paagui kan mission order na hale sa Chief Intelligence Division kan Bureau of Immigration, base sa coordination sheet na may fecha 3 kan Agosto 2015.

An mga dinakop dinara tulos sa hepatura kan pulis sa banwaan na ini kan mga elementos kan Bureau of Immigration asin kan National Bureau of Investigation .

Padagos pa sindang pig-iimbestigaran kun igwa pang ibang mga leyes sa Pilipinas an pigbalga ninda. —BICOLSTANDARD.COM Pirming enot. Pirming bago.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...