Thursday, August 20, 2015

2ng guardya sa mina, hinabonan, binanog

JOSE, PANGANIBAN, CNorte –Duwang security guards kan Land Force Security Agency na nakadistino sa Investwell Mining Corporation an nagsumbong sa police na sinakyada sinda sa lugar na saindang pigbabantayan nin dae makulang sa 10ng mga lalaki.

PNP
An duwa digdi nabidbid na mga tawohan kan Jack Security Agency.

An mga victima iyo sinda Jose Quintela y Bermas, kan Barangay San Roque, Mercedes, Camarines Norte asin si Rizaldo Baina y Ibano, na taga P-9 sa Barangay Larap, sa banwaan na ini.

Base sa sumbong  ni Mr. Jessie Sarmiento, Operations Manager of Land Force Security Agency, an duwang nabistong suspechado iyo sinda Security Guard Sayno asin Security Guard Babagay.

Sabi sa sumbong sa mga awtoridad pag-abot sana kan duwang suspechado, kaibahan an walong (8) iba pa, tinutukan sinda nin badil na caliber 9.mm pistola.

“Pagnagpablotter ka o magsumbong alam ko lugar mo pati pamilya mo idadamay papatayin ko,” ini an makusog na huma suboot kan mga suspechado sa mga victima.

Fuersahan na kinua kan mga suspechado an mga cellular phones kan mga victima, cash na kantidad P13,000.00, asin tulong pidasong 12 guage na shotgun.

Sinda Quintela asin Baina, pareyo may mga rungas sa saindang lawas na kagibohan kan mga suspechado.

Mientras na sinusurat an baretang ini dae pa nabibisto an iba sa mga suspechado, asin si duwang nabisto, at large pa sagkod ngonian.

Nangyari an incidente poco mas o menos alas 4:50 nin amay na pagka aga.

An sabi pa kan mga victima, sinuntok sinda, sinipa asin ginapos, dangan tinakopan an saindang mga
mata mantang binabanog kan mga suspechado.

Nagsapo nin mga rungas asin gatok sa saindang mga lawas an mga victima ta mayo sindang laban na sarabay na hinuhombalan kan mga suspechado.—BICOLSTANDARD.COM. Pirming enot. Pirming bago.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...