For immediate hiring

For immediate hiring

Monday, August 17, 2015

24K Pawnshop sinalakat sa centro kan Naga City

NAGA CITY —Tulong pusuanon nang mga parasalakat an mayong takot na linaog an 24K Pawnshop na namumugtak sa Block 7, Ground Floor kan Naga City People’s Mall, sa Igualdad sa ciudad na ini.

Retrato hale saNaga City People's Mall Official Facebook Page
An krimen nangyari alas 8:50 kan Sabadong aga.

Base sa resulta kan enot na imbestigasyon, linalay kan mga nagsalakat an kantidad P306,440.00 na cash asin nagkapirang pisado nin iba-ibang clase nin mga alahas.

An establisimento commercial na ini sadire ni Rodolfo Guinhawa y Roxas, na taga Azucena St., Naga City Subdivision.

An mga victima iyo sinda Mariflor Velasco y Banes, taga Del Rosario; Ma. Cristina Baldovino y Tonedo, residente kan Capilihan, Calauag, asin si Suzette de los Santos y Pascasio, taga San Felipe, anas kan ciudad na ini.

Sabi kan mga victima mantang sinda nagpepreparar na bukasan an 24K Pawnshop, tulong mga dae nabistong lalaki an nag-abot na nagsagin-sagin na parokyano ninda.

Si saro sa tulong suspechado an biglang nagbunot nin dae madeterminaran na calibre nin badil, na itinutok sa sainda.

Hidaling hinagad kan mga suspechado an cuarta na yaon sa laog kan vault asin asin an mga alahas na nasasaray ninda.

Marikason si pangyari kan krimen asin dae ni sarong awtoridad an nakaresponde sa pinangyarihan.
Hastang sa panahon na sinusurat an baretang ini, an police digdi mayo pa nin ikinakataong paliwanag kun tano ta liwat na naman nalusutan sinda kan mga parahabas, mantang maliwanag na maray si pagkaaga.

An siring na mga krimen na padagos na nangyayari sa ciudad mayo pa nin nadadakop na suspechado.
Segun sa pahayag kan Naga City Police Office, ginigibo pa ninda an pagsiyasat. —BICOLSTANDARD.COM Pirming enot. Pirming bago.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...